Салық төлеушіге көмек » Жеке тұлғалар » СТН алу тәртібі
СТН алу тәртібі
Салық кодексінің 521, 523 баптарына сәйкес жеке тұлғаға салық төлеушінің тіркеу нөмірін беру келесі құжаттар негізінде жүзеге асырылады:
1) Тіркеу есебіне тұру туралы салықтық өтініш;
2) түпнұсқаның көрсетілуімен жеке басын куәландыратын құжаттың көшірмесі;
3) тұрғылықты жерін растайтын құжаттың көшірмесі.
Кәмелеттік жасқа толмаған жеке тұлғаға салық төлеушінің тіркеу нөмірін беру келесі құжаттар негізінде жүзеге асырылады:
1) Кәмелеттік жасқа толмаған жеке тұлға ата-анасының (заңды өкілі - асырап алушысының, асыраушысының және қамқоршысының) тіркеу есебіне тұру туралы салықтық өтініші;
2) түпнұсқаның көрсетілуімен, ата – анасының жеке басын куәландыратын құжаттың көшірмесі;
3) түпнұсқаның көрсетілуімен, баланың туу туралы куәлігінің көшірмесі;
4) тұрғылықты жерін растайтын құжаттың көшірмесі.
Резидент-банктерде ағымдық шоттар ашатын бейрезиденттер шотты ашқанға дейін банктің орналасқан жері бойынша салық органына келесі құжаттарды тапсыруға міндетті:
1) Тіркеу есебі тұру туралы салықтық өтініш;
2) келесі құжаттардың нотариалдық куәландырылған көшірмелері:
- бейрезидент жеке тұлғаның жеке басын куәландыратын құжат немесе бейрезидент заңды тұлғаның құрылтай құжаттары;
- мемлекеттік тіркеу нөмірі (немесе оның аналогы) көрсетілген бейрезиденттің инкорпорациялық еліндегі мемлекеттік тіркелуін растайтын құжат;
- салықтық тіркеу нөмірі (немесе оның аналогы) бар болған жағдайда оның нөмірі көрсетілген, бейрезиденттің инкорпорациялық еліндегі мемлекеттік тіркелуін растайтын құжат.
Құжаттарды қабылдайтын Салық басқармаларының мекен-жайлары:
- Астана қаласы Алматы ауданы бойынша Салық басқармасы, Жұбанов көшесі, 16-үй;
- Астана қаласы Сарыарқа ауданы бойынша Салық басқармасы, Республика даңғылы, 52-үй;
- Астана қаласы Есіл ауданы бойынша Салық басқармасы, Тұран даңғылы, 19/1-үй.
Ақпаратты қабылдау және өндеу орталығының жұмыс уақыты: дүйсенбі – жұма, сағат 09-00 - ден 17-00 - ге дейін (түскі үзіліссіз).
